Një ngjarje rëndë është regjistruar në Itali. Mark Samson, 23-vjeçari filipinez ka vrarë të dashurën e tij, 22-vjeçaren shqiptare, Ilaria Sula me thikë në një apartament në kryeqytet (Romë).
Samson, më pas ka hequr qafe trupin duke e mbyllur ne një valixhe.
Lexo edhe :
Related Posts
Vëllai i 22-vjeçares shqiptare, Leon Sula ka treguar për mediat italiane se ka folur me motrën e tij dy javë më parë kur ajo kishte shkuar për t’i takuar në Terni.
Ai tha se Ilaria nuk i ka treguar për asnjë problem që mund të ketë pasur me të dashurin. Leoni u shpreh se të dashurin e motrës e njihte vetëm pak.
“Nuk mund ta shpjegojmë. Pse e bëri? Nuk e kuptojmë pse e bëri, vetëm ai e di. Kam folur me Ilarinë herën e fundit dy javë më parë, sepse ajo erdhi të na vizitojë në Terni. Ajo ishte e qetë dhe nuk më thoshte për problemet. Të dashurin e saj e kam njohur, kanë qenë një vit bashkë por janë ndarë”, tha ai.
Sipas mediave italiane, nuk dihet ende se kur është vrarë Ilaria. Autopsia do të japë siguri për ditën dhe orën e vdekjes.
I dashuri, pasi e vrau, u përpoq të mashtronte familjarët dhe miqtë e Ilarias. Ai përdori telefonin e viktimës dhe u dërgoi mesazhe aty.
Më pas dyshohet se e hodhi celularin në një pusetë. Pas humbjes së sinjalit, më 25 mars, familjarët e denoncuan të zhdukur. Fatkeqësisht, tetë ditë pas denocimit, u gjet valixhja ku ndodhej trupi i të resë.
/vizionplus.tv
