Policia e Filadelfias tha se po kërkon një të burgosur të prangosur, i cili u arratis nga një spital.
Alleem Bordan, 29 vjeç, i cili ishte në paraburgim për vjedhje makinash, u arratis ndërsa po dilte nga Spitali Episkopal rreth orës 6:42 të mëngjesit të së hënës, tha në një konferencë shtypi zëvendëskomisioneri i policisë së Filadelfias, Frank Vanore.
Policia nisi një “kërkim intensiv” por nuk mundi ta gjente atë, tha Vanore.
Disa shkolla në zonë u mbyllën gjatë kontrollit fillestar të hënën në mëngjes, tha Vanore. Që atëherë bllokimet janë hequr.
Bordan u arrestua javën e kaluar për vjedhjen e një makine nga një shofer transporti, tha Vanore, dhe ndërsa ai ndodhej në paraburgim u ankua për dhimbje.
“Nëse një i burgosur ankohet për dhimbje ose ka një lëndim, është politika jonë që t’i çojmë në një institucion,” tha Vanore.
Bordan është një emër i njohur për policinë pasi rezulton disa herë i arrestuar në të kaluarën pr vepra penale si rezistencë ndaj një zyrtari publik dhe armëmbajtje pa leje./vizionplus.tv
