Ish komando Erzen Uka i arrestuar për nxitje terrorizmi doli këtë të martë para Gjykatës së Krimeve të Rënda për t’u njohur me masën e sigurisë.
Prokuri Eugen Beci kërkoi arrest me burg, ndërsa Uka nuk ka pranuar të ngrihet në këmbë para trupit gjykues, duke thënë se respekton vetëm Allahun.
Ai kërcënoi gjyqtarin Bib Ndreca dhe prokurorin Beci duke u thënë: “Sa të dal do të jepni llogari e nuk do kaloni kollaj.”
Uka akuzohet për 3 vepra penale, stërvitja për kryerjen e veprave penale me qëllime terroriste: nxitje; thirrje publike dhe propaganda për kryerjen e veprave penale me qëllime terroriste si dhe prodhim dhe mbajtja pa leje e armëve luftarake dhe municionit.
Seanca u zhvillua me dyer të mbyllura ndërsa u vendos masa e arrestit me burg.
