Ministrja e Mbrojtjes, Olta Xhaçka me rastin e nisjes së vitit të ri shkollor ka shoqëruar dy djemtë e major Klodian Tanushit, I cili humbi jetën në krye të detyrës në Letoni pak ditë më parë.
Në një postim në “Facebook”, Xhaçka teksa shprehet e emocionuar, thekson se familja e madhe e Forcave të Armatosura gjendet pranë çdo efektivi, jo vetëm me fjalë por edhe me vepra.
“Vërtetë e emocionuar që bashkë me nënën dhe dy gjyshërit, shoqëruam në ditën e parë të shkollës Serxhion dhe Klesion, dy djemtë e major Klodian Tanushit, rënë në krye të detyrës pak muaj më parë në Letoni. Trishtim që majori nuk ishte me ne sot por edhe gëzim sepse i plotësuam atij merakun më të madh që ka çdo prind: një arsimim të mirë për fëmijët e tij. Familja e madhe e Forcave të Armarosura i gjendet pranë çdo efektivi të saj, jo vetëm me fjalë por edhe me vepra për atë ç’ka kanë më të shtrenjtë në jetë. Vit të mbarë shkollor për të gjithë fëmijet e efektivëve të FA. Jeni krenari!
