Një aksident i rëndë rrugor u regjistrua ditën e djeshme në kryqëzimin e Vajkanit, ku si pasojë e përplasjes mes dy automjeteve humbi jetën një pasagjere dhe disa persona të tjerë mbetën të plagosur.
Sipas njoftimit zyrtar të Policisë, aksidenti ndodhi mes një automjeti të drejtuar nga shtetasi J. M., 42 vjeç, banues në Londër, dhe një tjetër automjeti me drejtim nga shtetasja L. M., 30 vjeçe, banuese në Laç.
Nga përplasja humbi jetën pasagjerja në automjetin e dytë, shtetasja M. K., 53 vjeçe, gjithashtu banuese në Laç.
Menjëherë pas ngjarjes, specialistët e Sektorit të Qarkullimit Rrugor bënë arrestimin në flagrancë të të dy drejtuesve të mjeteve, për veprën penale “Shkelja e rregullave të qarkullimit rrugor”.
30-vjeçarja L. M. ndodhet aktualisht nën kujdesin e mjekëve, jashtë rrezikut për jetën. Dy pasagjerët e tjerë që u dëmtuan në aksident morën trajtim mjekësor dhe janë larguar në banesat e tyre.
Grupi hetimor po vijon punën për zbardhjen e plotë të shkaqeve dhe rrethanave të aksidentit.
/vizionplus.tv
