Kreu i Partisë Socialiste, Edi Rama ditën e sotme ka zhvilluar një takim me pensionistët në Gjirokastër. Kryeministri tha se synimi është që pensioni mimal të jetë 200 euro dhe ai mesatari 400 euro. Duke u ndalur te reforma e pensioneve, Rama tha se qeveria hoqi tavanin e pensioneve të vendosur nga opozita dhe përcaktoi kontributet si themelin e skemës së pensioneve.
Rama: Duam të japim një pasqyrrë ku jemi dhe ku dua të shkojmë. Ne sot kemi dy blloqe pensionistësh. Ata që kanë dalë para reformës tonë në 2014 dhe ata që kanë dalë pas reformës. Përpara reformës ndodhën dy gjëra të rënda. E para u shkatërruar gjithë baza prodhuese e vendit, u nxorrën të tërë në rrugë dhe 40 vjeç u quajtën pensionistë dhe u caktua një tavan 240 mijë lekë të vjetra dhe ti nuk e kaloje dot tavanin pavarësisht sa sigurime kishe.
Pensioni u kthye në asistencë. Si dikush që s’kishte kontribute si ata që kishin, tavani ishte aq. Pas reformës ne e hoqëm tavanin dhe vendosëm në themelin e skemës së pensioneve bazën kontributive. Këto ishin dy politikat e ndryshme mes nesh dhe atyre që sot vijnë i qajnë hallin pensionistëve. Një tjetër problem i madh janë pensionet e fshatit. Ne kemi bërë një hap që përtej indeksimeve që janë ligjore dhe bëhen në mënyrë të vazhdueshme siç e ka ligji, ne kemi vendosur që duke qenë se tani jemi në një fazë rritjeje të qëndrueshme të ekonomisë, kemi vendosur që ta ndajmë për pensionistët një bonus i cili është bonusi i fundvitit dhe bonusi i pranverës./vizionplus.tv
