Një vit pas tërmetit tragjik të 26 nëntorit, familjarët e viktimave që humbën jetën nga lëkundjet sizmike kanë zhvilluar homazhe.
Familja Lala, e cila humbi 8 anëtarë të saj, ku më të vegjlit ishin dy binjakët 2-vjeçar Dionisa dhe Enisi, u përkujtua paraditen e kësaj të enjteje nga të afërmit.
Blerim Lala, një nga djemtë e familjes, tregon mes lotësh se ky vit ka qenë i vështirë për të e familjen.
BLERIM LALA – ANETAR I FAMILJES LALA
Janë vëllezërit e mi. Kanë pasur shtëpinë nipërit. Unë ndodhesha në Itali. Vit i trishtë. Në Durrës nuk kthehemi. Kemi hidhërime shumë të hidhura po të vijmë këtu.
Ramë Lala, 17 vjeçari, i cili ishte dhe i vetmi që doli i gjallë nga rrënojat, sipas xhaxhait të tij vazhdon të vuaj pasojat e tërmetit ndonëse është gjendje të mirë shëndetësore.
Ka traumë. Gjendja shëndetësore është mirë. Ne nuk ia kujtojmë ça ka përjetuar aty brenda.
Edhe në Thumanë u zhvilluan homazhe nga të afërmit e viktimave të tërmetit.
TETË PJESËTARËT E FAMILJES LALA QË HUMBËN JETËN
SAHADETE LALA – 79 VJEÇ
ILIR LALA – 52 VJEÇ
MARJETA LALA – 31 VJEÇ
EMILIO LALA – 6 VJEÇ
ENIS LALA – 2 VJEÇ
DIONISA LALA – 2 VJEÇ
AMELIA LALA – 8 VJEÇ
GRISELDA LALA – 19 VJEÇ