Prej dy ditësh në selinë e Partisë Demokratike vazhdojnë punimet për heqjen e dyerve të blinduara, të vendosura nga Lulzim Basha në prag të protestës së 8 janarit.
Deri tani janeë hequr adezivet që mbulonin fasaden e PD, ndërkohë që ende po punohet për të lëvizur dyert që bllokonin hyrjen në katin e dytë të partisë më të madhe të opozitës.
Të gjithë funksionarët e PD kanë boshatisur zyrat prej ditës së premte kur gjykata njohu ligjërisht Sali Berishen dhe selia tashmë i përket Komisionit të Rithemelimit.
Vendimi i parë i këtij komisioni mbrëmjen e të premtes ishte rikthimi i normalitetit dhe hapja e partisë.
Javën e ardhshme pritet që Komisioni i Rithemelimit të nisë punën normalisht në selinë e Partisë Demokratike.
