Juventus nje hap larg finales se Kardifit. Ne takimin e pare gjysmëfinal te Uefa Champions League, “zonja e vjetër” mundi Monakon 2-0 ne “Luigji i Dyte”, duke e bere shume me te lehte ndeshjen e kthimit nje jave me vone.
Një demonstrim i pastër i forcës, inteligjencës dhe sigurisë per skuadrën e Alegrit fale një mbrojtje bunker i udhëhequr nga nje Bufon i jashtëzakonshëm, një mesfushe efektive, cinizem ne sulm dhe kujdes maksimal nga krahët, duke triumfuar pikërisht aty ku skuadra e principatës kishte surprizuar këtë sezon.
Dhe pikërisht me këto arme te forta, Juventus nisi takimin per te sfumuar fuqinë e francezeve, ndërsa avantazhi nuk ishte rastësi, duke u ideuar nga tre futbolliste mjaft te talentuar Dybala, Dani Alves, Higuain qe finalizoi nje asisit te brazilianit ne minutën e 29.
Goli i shënuar i dha jete sigurisë se italianeve, te cilet deri ne keto momente kishin shpëtuar pa pësuar fale Bufon, i cili mes minutave 16 dhe 19 kishte mbajtur rrjetën te paprekur ne tentativat e Mbape dhe Falkao. Te zotet e shtëpisë u munduan te reagonin fale energjisë qe i kishte karakterizuar kete sezon, por pa arritur te depërtonin ne nje mbrojtje me mjaft eksperience dhe te talentuar dhe mbi te gjithë nje organizimi te kundërshtarit te udhëhequr deri ne perfeksion nga Alegri.
Fituesi i madh i mbrëmjes rezultoi pikërisht tekniku juventin, lëvizja e te cilit per te spostuar Dani Alves drejt sulmit rezultoi determinante. Ne minutën e 59 te takimit, Juventus dyfishoi rezultatin ku edhe njëherë Higuain përcaktues mposhti portierin Subasic. Ne fundin e takimit kishte vend për nje tjetër ndërhyrje te legjendarit Bufon ne tentative me koke te Germain.
Me vetëm dy gola te pësuar ne 11 ndeshje te Champions, porta e Juventus mbetet e paprekur ne fazën me eliminim direkt, ndërkohe qe super sulmi i Monakos mbi te gjitha e pamposhtur ne shtëpi dështoi përpara prapavijës me te mire. Finalja e Kardifit për bardhezinjte tashme është vetëm 6 dite larg
