Hetimi ndaj kryebashkiakut Veliaj, SPAK thërret për të dëshmuar gruan e biznesmenit Elman Abule
Bashkëshortja e biznesmenit të njohur Elman Abule, Marisa Nito është paraqitur këtë të mërkurë në SPAK në kuadër të hetimeve për kryetarin e bashkisë së Tiranës Erjon Veliaj.
Elman Abule dhe gruaja e tij Marisa Nito, konsiderohen miq të familjes Veliaj, ndaj dhe pak ditë më parë me kërkesë të SPAK, Gjykata miratoi kontrollin në banesën dhe biznesin e tyre.
Kryebashkiaku i Tiranës dëshmoi për herë të fundit në SPAK për gati 5 orë në 26 dhjetor, para agjentëve të BKH-së në kuadër të hetimit pasuror që po kryhet ndaj tij. Ai u mor në pyetje nga prokurori Olsi Dado.
Më 6 dhjetor 2024 SPAK sekuestroi telefonin e bashkëshortes së tij, Ajola Xoxa. Me vendim të Gjykates kontrollet u kryen edhe në studion ‘Harabel’ tek ish-Blloku ku u sekuestruan edhe dokumente./vizionplus.tv
