Pas rastit të fundit të prekur me meningjit të paraqitur në qytetin e Durrësit dhe shtrimit të tij në QSUT, ka ardhur një reagim nga Njësia Vendore e Kujdesit Shëndetësor në Durrës, duke dhënë detaje mbi situatën.
Sipas saj, nga të dhënat e fundit, mësohet se nuk është paraqitur asnjë rast i dyshuar me meningjit gjatë urgjencave pediatrike dhe të të rriturve në Durrës.
Lexo edhe :
“Saktësisht sot datë 14.02.2025 nga informacionet e marra nga Urgjenca pediatrike dhe Urgjenca e të rriturve ne SRD kemi këto të dhëna: Urgjenca Pediatrike 128 vizita dhe ASNJË rast meningit, Urgjenca e të rriturve 228 vizita nga këto 66 status febril dhe asnjë rast meningit”, thuhet në njoftim.
Sipas Njësisë Vendore ka nisur hetimi epidemiologjik duke dërguar ne SRD stafin, marrjen e kontakteve me familjaret dhe detajet për marrjen e masave.
“Pas konfirmimit të rastit nga ana e QSUT, NJVKSh Durrës filloi hetimin epidemiologjik, duke dërguar në SRD stafin për fillimin e hetimit, marrjen e kontakteve me familjaret dhe detajet e nevojshme si element të nevojshëm për marrjen e masave. Në mënyrë urgjente ju këshillua Profilaksia (nxënës, familjar, mësues, staf shëndetësor)”, thuhet në njoftim.
Njësia informon se nuk jemi në një situatë paniku ndërsa thekson se vijon puna për informimin e prindërve dhe nxënësve mbi simptomat e sëmundjes.
“Një rast i patur disa kohë më parë dhe në këtë situate aktuale është ndjekur me të njëjtin mënyrë dhe hapat e investigimit dhe masat për mbrojtjen e shëndetit të popullatës, i dhe kemi komunikuar me email zyrtar dhe me ZVA Durrës që jemi vetëm në këto kushte dhe nuk jemi në situatë tjetër për të shtuar asnjë element paniku”, njofton Njësia Vendore.
Prindërit kanë refuzuar dërgimin e fëmijeve në shkolla duke kërkuar kështu zhvillimin e mësimit online./vizionplus.tv
