Deputeti i Partisë Demokratike, Dashnor Sula, ka reaguar pas lirimit me kusht nga burgu të ish-deputetit Ervin Salianji.
Në një postim në rrjetet sociale, Sula shprehet se rikthimi i Salianjit në Partinë Demokratike është pritur me xhelozi. Ai thekson se asnjë nga drejtuesit e PD-së nuk u paraqit për ta pritur Salianjin në ditën e lirimit, çka sipas tij tregon se në parti mbizotëron gara për ruajtjen e status quo-së dhe jo për rritjen e mbështetjes elektorale.
Postimi i plotë:
E percollën me “oiiiii”, e pritën me xhelozi.
Dje doli nga burgimi politik Ervin Salianji, pas afro 10 muajsh izolim te padrejtë. Për Salianjin show me pranga në duar është një medalje sakrifice në interes publik.
Por, dje paradite Salianji doli nga burgu dhe para se të takonte familjen e tij biologjike, u drejtua për te familja politike për të takuar anëtarët e familjes politike. Për tu vlerësuar!
Feedbacku që mori?!
Asnjë nga udhëheqësia nuk denjoi ta priste. Nuk e kuptoj se ku shkuan të gjithë ata te devotshmit që ishin gati që të ngujoheshin për të mos e lejuar që të ekzekutohej vendimi gjykatës?!
Pse ishin më të gëzuar ata udhëheqës madhorë kur Salianji po shkonte në burg se sa tani që doli. Dje do duhet që të ishte një moment feste për Partinë Demokratike, por në fakt ndodhi e kundërta.
Ajo që ndodhi dje në PD, dëshmon më së miri situatën ku ndodhet partia. Nuk kanë mëndjen as për të fituar dhe as për të fituar por po zihen për ato postet brënda partisë dhe ndonjë post në Parlament. Për postet në parti, Salianji është një kandidat potencial ndaj “galloshet” janë bërë të gjithë bashkë për ta sfumuar pa ardhur Salianjin.
Edhe një herë PD dëshmon se nuk synon maksimalizim por do të ruaj statuskuon. Janë luftëtarët më të pa epur për të luftuar njëri-tjetrin.
