Zëvendëskryeministri Erion Braçe ka reaguar ndaj gjykatësit dhe përmbaruesit në Sarandë, të cilët kanë hequr masën dhe vulën e bllokimit të dyqanit dhe punishtes së mishit të shtetasit Arben Haki Mehmeti, i cili u mbyll nga Agjencia Kombëtare e Ushqimit Vlorë.
Sipas AKU ky shtetas tregtonte produkte që ishin jashtë skadencës.
Ndërkohë në reagimin e tij Braçe ka kërkuar Agjencisë Kombëtare të Ushqimit të njoftojë çdo institucion që merret me veprimtarinë e gjykatësve.
“Zoti gjykates,
A i ha ti keto fileto pule?
Zoti permbarues,
I ha ti keto fruta deti?
Po femijeve tuaj,
A ua jepni per ti ngrene?
Nese jo,
Pse duhet ti hane femijet e njerezve te zakonshem te ketij vendi?
Ne date 25 korrik,
AKU VLORE, ka bllokuar ne Sarande ne dyqanin e punishten e mishit te shtetasit Arben Haki Mehmeti keto produkte:
- Fileto pule 1560 kg me date skadance 27. 03. 2019;
- Mix fruta deti 640 kg me date skadence 20. 10. 2018;
- Fileto pangasio 1120 kg me date skadence 10. 11. 2018;
- Pite elviart 1500 cope me date skadence 8. 03. 2019;
- Patate brasili 100 kg me date skandence 30. 09. 2015;
- Fileto pule 564 kg me date skadence 2. 01. 2019;
- Fileto pule Pechugan 720 kg me date skadence 18. 11. 2018;
- Kofshe derri Seara 540 kg ma date skadence 20. 07. 2019;
- Shpatull deri 100 kg e paambalazhuar e pa etiketuar, dhjam deri po ashtu 500 kg etj etj gati 7 tone produkte te tilla!
Aku ka bllokuar te gjitha keto produkte, dyqanin dhe punishten e sallamit!
Me date 31 korrik, gjykatesi Elidon Papazisi ka hequr masen e bllokimit dhe permbaruesi Asaf Troka, pa njoftuar zyrtarisht AKU-ne ka qene ne punishte dhe ka hequr te gjitha vulat e bllokimit!
A keni turp gjykates e permbarues bashke?! Thoni ne vendim duke e justifikuar ate se po mbroni interesin publik;
Jeni cmendur apo cfare?
Cili eshte interesi publik,
te hash pula te skaduara?
Apo te hash sallam prej tyre?
Aku dje ka riinspektuar dhe ka bllokuar serish cdo gje!
Nderkohe i kam kerkuar AKU te njoftoje cdo institucion qe merret me veprimtarine e gjykatesve, perfshire KLGj e ONM.
Po ashtu i kam kerkuar AKU te vleresoje procedurat e ndjekura nga permbaruesi e nese sheh veper penale ta kallezoje. Boll me!”