Presidenti Ilir Meta ka vendosur të dekretojë Helidon Bendon në krye të SHISH.
Pas 13 muajve, presidenti vendosi të dekretonte zv/drejtorin e SHISH në krye të këtij institucioni.
Vizion Plus ka mësuar se presidenti e dekretoi Bendon mbrëmjen e të hënës, ndërkohë që këtë të martë Presidenca e konfirmoi këtë gjë përmes një njoftimi zyrtar.
Dekretimi i Helidon Bendos erdhi pas takimit kokë më kokë që zhvilloi kryeministri Edi Rama me presidentin Ilir Meta të dielën në Presidencë.
Ndërkohë pak ditë më parë Meta shprehu vlerësime për punën e Bendos në mënyrën sesi e kishte drejtuar institucionin e SHISH gjatë kësaj kohe.
