Harxhi dhe Elezi sfidojnë Bashën: PD-ja ka nevojë për një fillim të ri

Pas Fatbardh Kadillit, shkallët e selisë blu i ngjitën edhe Ibsen Elezi dhe Edith Harxhi, për të njëjtin qëllim.

Edhe ata dorëzuan kandidaturën e tyre për kryetar të Partisë Demokratike, duke regjistruar kështu zyrtarisht emrat në garë.

Edith Harxhi tha për mediat se PD-ja ka nevojë të reformohet.

“Duhet të jetë një garë e hapur transparente dhe e barabartë, deri tani nuk është. PD duhet të kthehet tek ato vlera. Është një moment mjaft i vështirë për Shqipërinë. Ajo që ofrojmë si grup, si kandidate është një reformim i thellë i PD mbi idealet e 1990-1991. PD ka nevojë për një fillim të ri.”