Duka dhe Dukesha i Sussex kanë publikuar kartolinën zyrtare të festave së bashku me djalin e tyre, princin Archie dhe sot ajo po bën xhiron e rrjetit. Harry dhe Meghan janë ulur pranë pemës së Krishtlindjeve, kurse djali i tyre vetëm 7-muajsh është në qendër të fotos me shikimin e ngulur ndaj kamera-s.
Fotoja është postuar në versionin bardhë e zi me mbishkrimin: “Gëzuar Krishtlindjet dhe Vitin e Ri. Nga familja jonë për tuajën”.
Kjo është kartolina e parë zyrtare e çiftit mbretëror me të birin, Archie. Edhe pse ata nuk do t’i kalojnë Krishtlindjet në rezidencën e Sandringham ku feston çdo vit familja mbretërore, kjo foto ka fituar zemrat e gjithë fansave të familjes mbretërore./Living
