Sali Berisha ishte sot në Berat, ku zhvilloi një takim me disa simpatizantë demokratë. I pranishëm në “Foltore” ishte dhe një mbështetës i flaktë i tij, i cili tërhoqi vëmendjen e të gjithëve.
Në fjalën e tij, ai nuk i kurseu kritikat në drejtim të Amerikës, por edhe ndaj Lulzim Bashës. Në fund, ai ngriti edhe një dolli për Berishën, veprim që ish-kryeministri e përshëndeti duke qeshur.
“Do t’i bëjë thirrje Lulzim Bashës. Zoti Basha, haram e paç mundimin tim, që në çadër u plevitosa dhe haram e paç rezistencën time te parlamenti, që u helmuam me gaz. Në kohën që ne arrinim t’i rrëzonim poshtë poturet e Edi Ramës, ti vije ia ngrije poturet. Zoti Basha, largohu, hiqe këmborën se nuk e tund dot, se këmbora do zverk, nuk do baluke. Nuk do ta zgjas shumë dhe dy sekonda se kam një dolli për zotin Berishën.”
