Kryeministri i Kosovës, Ramush Haradinaj në një intervistë ekskluzive për Vizion Plus ka shpjeguar përplasjen me Ramën në Samitin e Berlinit.
Haradinaj ka komentuar edhe çështjen e kufijve dhe të taksës. Ai ka bërë të qartë se kufijtë nuk do të preken dhe se nuk do të tërhiqet nga taksa deri në momentin që Serbia të njohë Kosovën.
Lideri kosovar ka folur gjithashtu edhe për përplasjet me zyrtaren e Lartë të Politikës së Jashtme të BE, Federica Mogherini si dhe ecurinë e çështjes së dialogut me Serbinë.
Intervista e plotë me kryeministrin Haradinaj do të transmetohet pas edicionit qendror të lajmeve të orës 19:00, në Vizion Plus.
