Hapja e grup-kapitullit të gjashtë në negociatat për anëtarësim, Begaj: Vendimi, afron hyrjen në BE

Presidenti Bajram Begaj, përshëndeti hapjen e grup-kapitullit të gjashtë të negociatave për anëtarësimin e Shqipërisë në Bashkimin Evropian, vendim i marrë sot në Konferencën e Tretë Ndërqeveritare Shqipëri-BE, të mbajtur në Bruksel.

Kreu i Shtetit vlerëson se një vendim i tillë afron hyrjen e Shqipërisë në Bashkimin Evropian.

Mesazhi i plotë i Presidentit të Republikës i përcjellë në profilin zyrtar në rrjetet sociale:

“Përshëndesim hapjen e negociatave për grup-kapitullin e gjashtë. Vendimi i sotëm dëshmon për ecurinë e sigurt të Shqipërisë drejt anëtarësimit në një të ardhme të afërt në BE”, shkruan Begaj.

We welcome the opening of negotiations on Cluster Six.

Today’s decision affirms Albania’s solid progress towards EU membership in the near future.

????????????????

— Bajram Begaj (@BajramBegajAL) December 17, 2024