Hapet autostrada Tiranë-Durrës, pritet vijimi i punimeve në segmentin tjetër

7 kilometrat e parë të zgjeruar të autostradës Tiranë-Durrës deri te dalja për në Rinas, janë tashmë të hapura plotësisht për qarkullim.

Ministri i Infrastrukturës Enea Karakaçi tha gjatë inspektimit se punimet për fazën tjetër, nga mbikalimi i Rinasit deri te mbikalimi i Laknasit, do të nisin brenda vitit.

Po ashtu, brenda dy javësh pritet që të shpallet fituesi edhe për projektin e rrugës Milot-Balldren.

“Është një rrugë që shfryn  trafikun e qyteteve të veriut. Është duke u përmbyllur vlerësimi dhe per 2 javë shpallet fituesi”, tha ministri Karakaçi.