Ka nisur këtë të hënë testimi i shpejtë në komunitet, në gjashtë qendra shëndetësore në Tiranë.
Testin e antigenit mund ta bëjnë të gjithë qytetarët pas vlerësimit dhe rezervimit nga mjeku i familjes.
OGERTA MANASTIRLIU
MINISTRE E SHENDETESISE
“Sipas një sistemi të mirëorganizuar me mjekun e familjes, me regjistrin elektronik të fashave orare, ku qytetarët të cilët janë pjesë e indikacioneve, pra për 5 ditët e para të sëmundjes dhe ku mjeku i familjes vlerëson se duhet kryer testimin e shpejtë, vijnë në këto qendra shëndetësore.”
Por pavarësisht përfshirjes së testit të shpejtë, analiza me metodën PCR do të vijojë.
“Grupet e epidemiologëve janë në terren për vijimin e testimit përsa i përket testeve të cilat kryhen direkt nga numri 127, pra rastet e hetimit epidemiologjik dhe gjurmimit në terren.”
Ndërkohë ministrja Manastirliu përsëriti thirrjen drejtuar qytetarëve për të shmangur grumbullimet gjatë festimeve të fundvitit për të kufizuar përhapjen e virusit.