Handke fitoi Nobelin, Spiropali: Turp për Komitetin

Ministrja për Marrëdhëniet me Parlamentin Elisa Spiropali e ka cilësuar si një trup dhënien e çmimit Nobel për Letërsi për shkrimtarin austriak Peter Handke.

Në një postim në Twitter, Spriopali duke u ndalur qëndrimet e shkrimtarit Handke për Millosheviçin shprehet me ironi se fat që nuk është gjallë Hitleri se Nobelin do e fitonte “Mein Kampf”.

“Nobeli për Letërsi iu dha Peter Handke, glorifikuesit të Millosheviçit, mbështetësit të genocidit kundër shqiptarëve të Kosovës, njeriut që qau në varrimin e kasapit të Ballkanit. Fal Zotit nuk është gjallë Hitleri se Nobelin do e fitonte “Mein Kampf”-i. #TurppërKomitetin”