Ashtu siç ishte paralajmëruar, hakerat rus kanë sulmuar procesin zgjedhor në Francë duke tentuar të manipulojnë rezultatin.
Këtë fakt e ka konfirmuar grupi i fushatës së kandidatit për president të Francës, Emmanuel Macron.
Përpjekja për të hyrë në të dhënat e fushatës, sipas shefit të fushatës së Macron, Mounir Mhajoubi ka ndodhur në muajin dhjetor.
Ai konfirmoi një raport të firmës për sigurisë kibernetike, Trend Micro, që ka listuar 160 përpjekje për spiunazh elektronik nga një grup hakerësh të quajtur “Paën Storm”, për të cilin, agjencitë e inteligjencës amerikane, kanë thënë se është krah i aparatit rus të inteligjencës, – shkruan Europa e Lirë.
“Është serioze por asgjë nuk është kompromentuar”, tha Mahjoubi.
Kompania Trend Micro ka thënë se hakerët kanë krijuar një faqe të rreme të internetit, me qëllim që të vjedhin fjalëkalimet e stafit të fushatës së Macron. Zyrtarët rusë kanë mohuar vazhdimisht se sulmet kibernetike janë kryer nga shteti i tyre. Zgjedhjet presidenciale në Francë po vëzhgohen nga afër për shenjat e ndërhyrjes dixhitale, pasi zyrtarët e inteligjencës amerikane e kanë akuzuar Rusinë se ka ndërhyrë në zgjedhjet presidenciale amerikane më 2016.
