Hajdari: Prokuroria të hetojë koncesionet e rrugëve Milot-Balldren dhe Orikum-Dukat

Deputetja opozitare Rudina Hajdari e cilësoi projekligjin për koncesionet e rrugëve Milot-Balldren dhe Orikum-Dukat si të jashtëligjshëm.

Nga foltorja e Kuvendit, Hajdari I bëri thirrje prokurorisë që të nisë hetimet duke theksuar se qeveria po favorizon disa kompani.

Duke u rreshtuar pro dekretit të Metës, Hajdari tha se qeveria po kërkon që këto dy koncesione të bëhen pa asnjë konkurs.

“Këto dy pr/ligje janë futur në mënyrë të përshpejtuar. Janë futur pa konkurrencë, duke anashkaluar ligjin e PPP-ve dhe përgjegjësinë për të eliminuar kërkesat e pakërkuara. Qeveria Rama po kërkon që të bëhen PPP për këto dy rrugë pa konkurs. Pse u futen këto dy ligje në seancën e fundit plenare? Kjo është pjesë e një plani. Prokuroria duhet të hetojë aferën korruptive.”