Deputetja demokrate, Rudina Hajdari hodhi akuza ndaj PD-LSI këtë të hënë për reformën zgjedhore. Në një prononcim mediatik, ajo tha se opozita jashtëparlamentare nuk e do ndryshimin e sistemit zgjedhor, në një kohë kur PS është e hapur për të diskutuar.
“Listat e hapura janë varianti më i mirë i mundshëm. Opozita jashtëparlamentare nuk duhet të ketë frikë nga qytetarët. Kjo opozitë jashtëparlamentare refuzon të mbrojë këtë ndryshim sistemi ndërkohë që PS është e hapur dhe lejon se si mund të procedojë në të ardhmen, Do i shkojmë deri në fund kësaj çështje që Listat e Hapura të fuqizojnë qytetarët. Opozita jashtëparlamentare nuk duhet të ketë frikë. Opozita mos mbështesë iniciativën e PD për mos mbështetur ndryshimin e sistemit. Opozita nuk do konkurrencë. Nuk mund të mbrojmë një sistem që fuqizon vetëm kryetarët e partive. S’mund të mbrojmë një sistem që kryetarët të behen të gjithpushtetshëm.”
Rudina Hajdari bëri me dije se ka propozuar depolitizim të administratës publike dhe që partitë të kenë rol vëzhguesi dhe të drejtë apelimi në kuadër të reformës zgjedhore.
