Presidenti i Maqedonisë, Gjorgje Ivanov, ka refuzuar te takohet me komisionerin për zgjerim Johanes Hahn dhe tre eurodeputetet qe e shoqërojnë ate ne vizitën e kësaj te marte ne Shkup, duke përmendur si argument kthimin e tij vone nga vizita shtetërore ne Hungari. Siç njofton Agjencia Shtetërore e Lajmeve “MIA”, duke cituar burime nga kabineti i presidentit, per këtë gjë, ishte vene ne dijeni ambasadori i bashkimit Europian Zhbogar qe ditën e premte. Por selia diplomatike e BE-se ne Shkup, ne axhenden paraprake te takimeve te Hahn kishte përfshire edhe atë me kreun e shtetit, përveç takimeve me gjithe kryetaret e partive politike parlamentare.
Kabineti i presidentit Ivanov nder te tjera shprehet:
“Presidenti Ivanov ia ka shprehur qëndrimet e veta komisionerit per zgjerim Hahn ne takimin e tyre te fundit me 10 shkurt 2017 dhe ato mbeten te pandryshuara. Ivanov ka qene dhe mbetet i qarte kur eshte shprehur se nuk do te ndaje mandat, pa hedhjen poshte te platformës se Tiranës.”
Por lajthitja e kabinetit te presidentit shkon edhe me tej, kur i sugjerohet komisionerit Hahn qe ne vend te kreut te shtetit te takoje përfaqësuesit e iniciativës per “Maqedoni te përbashkët”, te cilët ai vete ka refuzuar t’i takoje.
Kabineti i presidentit shprehet se do te ishte mire qe komisioneri te informohej ne lidhje me shkaqet dhe argumentet qe i kane shtyre qytetaret e Maqedonisë te protestojnë prej 20 ditësh.
Përpara nisjes se vizitës, Hahn i ka apeluar edhe njëherë liderëve politike te mos nxisin konfliktet etnike ne vend dhe te lëvizin shpejt per te krijuar qeverinë.
Komisioneri Hahn është detyruar te anuloje takimin e pare te tij me kreun e PDSH-se Menduh Thaçi, per shkak te axhendes se ngjeshur. Ai e ka nisur ditën e takimeve me kreun e lëvizjes Besa, per te vijuar me krerët e tjerë te forcave politike parlamentare.
