Dy dite pas kongresit, Partia Socialiste ka mbledhur kete te hëne kryesine dhe grupin parlamentar. Burimet per Vizion Plus thane se ne qendër te diskutimeve ishin përgatitjet per zgjedhjet vendore te 30 qershorit. Mësohet se Rama u ka kërkuar deputeteve qe brenda javës te sjellin propozimet per kandidatet per kryetar bashkie, ne ato qytete ku ende nuk janë caktuar përfundimisht, si dhe listën e kandidateve per anëtar te këshillave bashkiake.
Deri me tani, është bere publike vetem lista per Bashkinë e Tiranës, e cila ka 100 kandidat, ndërsa vetëm 7 kandidate jane zyrtarizuar nga 61 ne te gjithë vendin. Duket se pavarësisht opozitës, e cila është me pranë bojkotimit te zgjedhjeve vendore sesa pjesëmarrjen ne to, Partia Socialiste vijon e qete punën per përgatitjet per 30 qershorin, ku pretendon te fitoje dhe disa bashki te njohura si bastione te Partisë Demokratike.
