Greqia mban mbyllur kufijtë për Shqipërinë

Greqia shtyu sërish afatin për masat kufizuese për Shqipërinë. Sipas njoftimit të ambasadës greke në vendin tonë, masat do të jenë në fuqi deri në datën 14 maj.

Kështu, Kapshtica do të vijojë të jetë e bllokuar dhe deri në datën 14 maj dalja nga Shqipëria dhe hyrja drejt Greqisë nëpërmjet kësaj pike kalimi, do të jetë e mbyllur.

Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve.