Greqi, 51 mijë vende pune sezonale

Ndonëse niveli i papunësisë tek te rinjtë ne Greqi kap shifrën 64 perqind, ata refuzojnë te bëjnë pune sezonale. Ne pamundësi per te gjetur krah pune mes grekeve, autoritetet vendase kane hedhur sytë nga shtetet joanetare te BE, për me shume se 51 mije vende pune te lira. Shqiptaret duket se janë me te favorizuarit për t’u punësuar ne sektorët e bujqësisë, me punën ne fusha, por edhe ne turizmin bregdetar dhe peshkim. Nevojat e vendit kërkojnë saktësisht 51.145 punëtore, qe do te kenë leje qëndrimi dhe pune, si dhe siguracione shoqërore per nje periudhe kohore te paktën 6-mujore. Kjo shifër është përllogaritur per këtë vit dhe 2018-en.

Ministritë e Politikave Emigratore, Ekonomisë dhe Zhvillimit, Ministria e Jashtme, e Punës dhe e Politikave Ishullore kane firmosur nje marrëveshje per te punësuar punëtore te huaj dhe kane nisur procedurat për sigurimin e lejeve për ta. Lejet e punës janë per gjashte muaj ne vit per punëtoret e fushës dhe 11 muaj për ata ne sektorin e peshkimit. Nevojat me te mëdha per te punësuar te huaj jane ne Greqinë Veriore dhe shifra me e larte kërkohet per punën ne toka. Greket qe banojnë ne zonat ku ka nevoje per punëtore, nuk tregojnë interes. Kushtet e vështira te punës se krahut, shpresa për nje pune me te mire dhe kërkesat e pretendimet për nje pagese me te mire duket se dekurajojnë te papunët. Sipas marrëveshjes, punëtoret qe do te vijnë nga vendet jashtë unionit, do te paguhen 20-25 euro ne dite.