Pas vizitës në Prishtinë ku u takua me kryeministrin Avdullah Hoti, i dërguari amerikan për dialogun, Richard Grenell, së bashku me delegacionin e shteteve te bashkuara ka mbërritur në Beograd.Ai u prit nga kryeministrja Ana Brnabiç dhe ambasadori amerikan në Beograd Anthony Godfrey.
Grenell do të takohet gjatë ditës me presidentin serb Aleksandër Vuçiç, ku do të nënshkruajnë Deklaratën e Përbashkët, si dhe do të diskutojnë mbi infrastrukturën dhe projektet e tjera që mund të financohen nga fondi amerikan.
Ndërkohë pas vizitës në Prishtinë, Ambasadori amerikan në Kosovë, Philip Kosnett gjatë një intervistë për “Radion Evropa e Lirë” u shpreh se qëllimi i Uashingtonit është që të inkurajojë një proces i cili do të përfundojë me normalizim të plotë të marrëdhënieve mes dy vendeve. Lidhur me njohjen reciproke, ai tha se është i vështirë përcaktimi i një afati kohor.
PHILIP KOSNETTAMBASADOR I SHBA NE KOSOVE
“Mendoj se është e vështirë ta përcaktojmë një afat kohor ose një afat të fundit. Qëllimi i SHBA-së është të inkurajojë procesin, i cili do të përfundojë në normalizim të plotë të marrëdhënieve mes dy vendeve. Ajo çka presidenti Donald Trump dëshiron të bëjë, është të fokusohet fillimisht në aspektin ekonomik. Përpjekjet për të zgjidhur të gjitha problemet politike janë zgjatur me vite, pa progres të theksuar”
Sa i takon pikës së shumë debatuar të marrëveshjes së firmosur në shtëpinë e bardhe që lidhet me liqenin e Ujmanit diplomati amerikan në Prishtinë mendon se nuk cënohet aspak sovraniteti i Kosovës.
PHILIP KOSNETTAMBASADOR I SHBA NE KOSOVE
“E kam parasysh historinë dhe e kam parasysh pse disa njerëz kanë thënë se ky është hapi i parë që vë në pikëpyetje sovranitetin dhe kontrollin. Sërish, është shumë e lehtë të themi, ‘jo, ne nuk do të marrim vendim të guximshëm’. Qëndrimi ynë është që përmes fizibilitetit, të shfrytëzojmë më mirë liqenin, dhe kjo gjë nuk e vë në pikëpyetje sovranitetin, kjo nuk e shtyn asnjë qeveri që të kryejë hapa specifikë”
I pyetur për çështjen e bashkisë se komunave serbe ambasadori i Shteteve te Bashkuara tha se kjo çështje i takon Bruekselit.
