Një deklaratë e kryeministrit të Pakistanit, Imran Khan ka nxitur reagime të shumta. Duke folur për ngacmimet seksuale, Khan tha se faji qëndron te gratë që përdorin veshje të shkurtra, duke provokuar sipas tij, burrat.
“Nëse një grua ka veshur shumë pak rroba, ajo do të ketë një ndikim tek burrat, pasi ata nuk janë robotë. Është thjesht sens i përbashkët”, tha Khan.
Kjo nuk është hera e parë që Khan bën deklarata të tilla. Më parë gjatë një interviste ai sulmoi shoqëritë perëndimore dhe tha se prezantueset duhet që të mbajnë një vello të gjatë në emisionet që bëjnë, në mënyrë që mos të shihen nga të tjerët.
