Gratë janë më të prirura ndaj konsumit të tepërt të alkoolit kur kanë nivele më të larta të estrogjenit, sipas një studimi të shkencëtarëve nga Kolegji Mjekësor Weill Cornell në Nju Jork.
Studimi zbuloi se marrëdhënia e grave me pirjen e tepërt lidhet me nivelet e tyre të estrogjenit, kjo është arsyeja pse gjatë periudhave të niveleve të larta të hormoneve ato konsumojnë sasi të mëdha alkooli në gjysmën e parë të orës pas fillimit të konsumimit.
Studiuesit, gjetjet e të cilëve u publikuan në revistën Nature Communications, zbuluan se estrogjeni kontribuon në qasjet e ndryshme të burrave dhe grave ndaj përdorimit të tepërt të alkoolit, shkruan Independent.
Ata verifikuan nivelet e hormoneve gjatë cikleve menstruale të minjve femra përpara se t’u jepej alkool, duke zbuluar se minjtë femra pinin shumë më tepër kur kishin nivele të larta të estrogjenit.
“Estrogjeni ka efekte kaq të fuqishme në shumë sjellje, veçanërisht te femrat. Kështu që ka kuptim që do të ndikonte edhe në pirjen e alkoolit”, tha shkencëtarja Kristen Playle.
