Grabitje në qendër të qytetit të Korçës. Një person ende i paidentifikuar edhe për policinë lokale rreth mesditës pasi ka hyrë më ambientet e një shoqërie financimi i pajisur me mjet prerës i ka kërkuar punonjëseve të zyrës t’i dorëzonin shumën e lekëve që kishin në arkë.
Burime policore bëjne me dije se punonjëset nën kërcenimin e thikës i kanë dhënë grabitësit shumën e lekëve. Shumë e cila sipas burimeve nuk shkon më shumë se 100 mijë lekë të vjetër.
Pasi ka marrë të hollat personi është larguar me shpejtësi nëpër rrugicat e qytetit. Policia ka sekuestruar kamerat e sigurisë dhe po punon për identifikimin e autorit.
Kjo nuk është hera e parë që në Korcë grabiten pikat e këmbimit valutor dhe kompanitë e transfertave financiare.