Grabiti me armë banesën e Elton Çiços në 2015, burg për 30 vjeçarin

Gjykata e Gjirokastrës ka caktuar masën e sigurisë “burg pa afat” për të riun Erigers Mihasi, i dyshuar për grabitjen e banesës së Elton Çiços.

Shtëpia e Elton Çiços u vodh në 2015 nga persona të armatosur, ndërkohë Çiço mbeti i vrarë në vitin 2016 nga një atentat në ish-Bllok në Tiranë.

Policia ka bërë të mundur arrestimin e 30-vjeçarit Mihasi dy ditë më parë në Tiranë, ndërsa ishin gjurmët e gishtërinjve të gjetur në një automjet tip Audi që u përdor për grabitjen, që çuan në identifikimin e tij.