Policia ka identifikuar dhe shpallur në kërkim autorët e dyshuar të vjedhjes së banesës së shtetasit S.Xh.
Sipas policisë së Librazhdit është bërë i mundur identifikimi dhe shpallja në kërkim policor i 3 shtetasve,të moshave përkatësisht 29, 19 e 15 vjeç, të tre banues në Librazhd, të dyshuar si autorë të vjedhjes, ku për arsye hetimore nuk bejmë me dije gjeneralitetet e tyre.
Sipas informacioneve dyshohet se këta shtetas në bashkëpunim me njëri- tjetrin, kanë vjedhur me thyerje banesën e shtetasit S.Xh., ku kanë marrë një sasi parash dhe disa bizhuteri.
