Gjykata e Lezhës ka caktuar masën e sigurisë “arrest në shtëpi, për 16-vjeçarin që goditi më karrige mësuesen ne gjimnazin “Hydajet Lezha”.
I mituri u njoh këtë të premte me masën e sigurisë, në një seancë me dyer të mbyllura.
Ndaj tij janë ngritur dy akuza; goditje për shkak të detyrës dhe plagosje e rëndë me dashje.
Ngjarja e ndodhur dy ditë më parë, la të plagosur mësuesen, e cila u transportua në spitalin e Traumës për ndihmë më të specializuar mjekësore.
