33 persona, mes tyre dhe 10 zyrtarë të policisë, janë vënë në pranga nga policia e Kosoves gjatë një operacioni në Karacevë të Komunës së Kamenicës pranë kufirit Kosovë Serbi, si dhe në disa qytete të tjera.
Operacioni kishte për qëllim goditjen e veprimtarive të paligjshme, kryesisht të lojrave të fatit.
Policia e Kosovës përmes një deklarate për mediat bëri me dije se aksioni erdhi si rezultat i një hetimi një vjeçar për veprimtari të paligjshme, përfshirë bixhozin, trafikimin e njerëzve, armëve, lëndëve narkotike dhe aktivitete tjera kriminale.
Gjatë operacionit, autoritet kanë sekustruar në cilësinë e proves materiale aparate të lojërave të fatit dhe materiale të tjera, ndërsa kanë rrënuar edhe 12 objekte ku zhvillohej veprimtaria e paligjshme.
Hetimet për keto aktivitete kanë ardhur pas vendimit të qeverisë dhe miratimit në Kuvendin e Kosovës vitin e kaluar të ligjit që ndalon funksionimin e bizneseve të lojërave të fatit për 10 vjet.
Që prej vitit të kaluar, policia e Kosovës ka vijuar hetimet për kwto grupe qw punonin nw fshehtwsi, ndërsa mbrëmjen e së premtes, ka finalizuan operacionin më të madh të këtij lloji në vend.
