E martë, 17 Nëntor 2026 Dielli i Dimrit deri në 15:00 Në vijim ora 15:00: Lajme Ora 15:00 dhe Moti Reklamo Kontakt Karriera
Vizion Plus
Vendi

Gjyqtarja Irena Gjoka jep dorëheqjen nga dosja e “Toyota Auris”

Gjyqtarja e GJKKO-së Irena Gjoka është dorëhequr nga çështja e “Toyota Auris”, dhe gjyqtari Erjon Çela është caktuar për të marrë drejtimin e dosjes.

Të pandehur në këtë çështje janë ish-kryeprokurori i Vlorës, Aurel Zarka, ish-oficerja gjyqësore, Erjona Daupaj, avokati Radovan Çela dhe Astrit Vladi.

Gjyqtarja kishte shqyrtuar më parë çështjen e sekuestrimit të pasurive të Suel Çelës, i cili është kreu i një organizate kriminale me një rrjet të gjerë. Kjo është një nga akuzat që rëndon mbi të pandehurit. Po ashtu, në komunikimet e zbuluara në aplikacionin SkyEcc, ata kishin diskutuar mënyrat për të ndikuar në sistemin e drejtësisë për të çliruar pasuritë e sekuestruara të Çelës. Për këtë arsye, gjyqtarja ka vlerësuar se është në konflikt interesi dhe mund të jetë gjithashtu dëshmitare në proces.

Vazhdo të lexosh

Reklamë