“Gjyqtarë, jo tundim nga asprat”

Pavarësisht polemikave qe ka shkaktuar protesta e Erion Veliajt para Gjykatës Administrative, kryebashkiaku nuk ndalet, madje bën publik vendimin e tij me te fundit. Erion Veliaj deklaron se nuk do te lejoje ndërtimin e pallateve poshtë digës se liqenit, pavarësisht vendimit te Gjykatës. Gjykata Administrative ende nuk ka dhënë vendimin e saj si per kërkesën e bashkisë per ndryshimin e trupit gjykues ashtu dhe per pezullimin e lejes se ndërtimit. Para seancës se radhës, kryebashkiaku i ka drejtuar këtë apel krerëve te Gjykatës Administrative. Këto komente, kryetari i bashkisë i beri nga qendra “Kristal”, ku zhvilloi dëgjesa për projektin e sheshit “Skënderbej” me banore te njësisë numër 5 ne Tiranë.