Vendimi i Komisionit të Ankesave dhe Sanksioneve, që i hoqi gjobën prej 750 mijë lekësh (të vjetër) kryebashkiakut Erion Veliaj, u rrëzua nga Gjykata Administrative.
Trupa gjykuese vendosi që kreu i Bashkisë së Tiranës duhet të paguajë gjobën që iu vendos nga Komisioni Qendror i Zgjedhjeve për promovimin e aktiviteteve të ndaluara katër muaj para zgjedhjeve.
Për këtë rast u ankuan përfaqësuesit e opozitës, sipas të cilëve, u bë dhurimi i çelësave të shtëpive të rindërtuara pas tërmetit, për fushatë zgjedhore. Vendimi i Gjykatës Administrative është i formës së prerë.
