Gjykata e Lartë vendosi sot ndryshimin e vendimit të Apelit duke ia kaluar SPAK-ut shqyrtimin e çështjes se 21 Janarit.

Pas vendimit të sotëm pritet që SPAK të regjistrojë çështjen dhe të shqyrtojë 21 Janarin.

Lexo edhe :

Related Posts

Familjarët e njërit prej viktimave te 21 janarit, Aleks Nikës, kanë kërkuar prej kohësh  që dosja e “21 janari” të hetohet nga SPAK. Ata ishin sot të pranishëm në seancën që u  mbajt  në Gjykatën e Lartë.

Pas shpalljes së vendimit të Gjykatë së Lartë, xhaxhai  dhe e veja e Aleks Nikës thanë për gazetarët se vendimi sot ishte i pritshëm, ndërsa bën thirrje që drejtësia shqiptare të hetojë cështjen me objektivitet.

“E vërteta gjithmonë fiton, të gjithë zinxhirin që është nga Sali Berisha dhe nga më i vogli spak është krijuar për të të hetuar më të fuqishmit,  besoj të vazhdojë, këtë kemi pritur”, tha e veja e Aleks Nikes.

Ndërkohë avokati i çështjes, Idajet Beqiri tha se Prokuroria e Tiranës  bëri sot  punën e vet, duke hetuar disa persona. Sakq ai shprehu rezervat e tij lidhur me çështjen. Asvokati tha se Prokuroria e Tiranës nuk po e  heton dot ish-kryeministrin dhe ish-ministrin e Brendshëm.

Kujtojme se më 29 mars të vitit 2023 Gjykata e Posaçme kishte vendosur mospranimin e ankimit  dhe më 22 qershor 2023 Gjykata e Posaçme e Apelit ka lënë ne fuqi vendimin e GJKKO që kishte rrëzuar ankimin e familjarëve.

Ekzekutimi i Aleks Nikës, një nga 4 vitkimat e 21 janarit, edhe pse kanë kaluar 13 vite, është ende pa autor. Strasburgu me vendimin që dha në muajin nëntor të vitit të 2023 u shpreh qartë se institucionet e drejtësisë në Shqipëri duhet të zbardhin ngjarjen e rëndë dhe të dënojë autorët. Po ashtu, pa autor është edhe vrasja e Hekuran Dedës, për të cilën prokuroria vite më parë, akuzoi gardistin Agim Llupo.

Ndërkohë, Strasburgu  në fillim te ketij viti vuri në dukje shkeljet në procedurën e ndjekur nga Garda asokohe, për të qëlluar në ajër e për të shpërndarë turmën. Gjykata nënvizoi manipulimet e bëra me pistoletën që i përkiste ish komandantit të Gardës, Ndrea Prendi, i cili po ashtu kishte qëlluar disa herë.

Çështja e 21 janarit u rivu në lëvizje nga familjarët e Aleks Nikës që iu drejtuan në vitin 2023 SPAK-ut, por ky i fundit e delegoi në Prokurorinë e Tiranës. Kjo kërkesë mbërriti në Gjykatën e Lartë, pasi Shkalla e Parë dhe Apeli e rrëzuan kërkesën e familjarëve të Nikës. Këta të fundit, për vrasjet akuzojnë ish-kryeministrin Sali Berisha, ish-ministrin e Brendshëm Lulzim Basha dhe ish-komandantin e Gardës Ndrea Prendi.

Në procesin e parë, u gjetën fajtorë dhe u dënuan me fare pak vite vetëm Ndrea Prendi dhe ish vartësi i tij, Agim Llupo, që sot janë të lirë. /vizionplus.tv

Leave a Reply

Your email address will not be published. Required fields are marked *