Shqiptarët mbeten një prej popujve më proeuropianë dhe janë të vendosur të avancojnë me axhendën europiane, nëpërmjet transformimit të vendit dhe konsolidimit të demokracisë”, deklaroi ministrja e Integrimit Europian,  Klajda Gjosha, në takim me një delegacion nga Sllovenia i cili kryesohej nga europarlamentari, Franc Bogoviç.

Ministrja Gjosha, vlerësoi marrëdhëniet shumë të mira mes dy vendeve si dhe mbështetjen e dhënë nga Sllovenia për Shqipërinë.

Bashkëbiseduesit diskutuan në lidhje me procesin e integrimit të Shqipërisë, progresin e bërë si dhe sfidat e mëtejshme që ka vendi në rrugën drejt BE-së.

“Ne synojmë që procesin e integrimit ta bëjmë sa më të prekshëm për qytetarët, në mënyrë që ata të ruajnë besimin tek projekti europian. Është me shumë rëndësi perspektiva e qartë e zgjerimit jo vetëm për vendin tonë, por për gjithë Ballkanin Perëndimor. Integrimi i vendeve tona në BE, ndihmon jo vetëm zhvillimin e tyre por edhe vetë Europën e cila sot ka nevojë të jetë akoma edhe më e bashkuar”, tha Ministrja Gjosha.

Bashkëbiseduesit, vlerësuan gjithashtu rëndësinë e bashkëpunimit mes dy vendeve nëpërmjet shkëmbimit të ekspertizës, por edhe projekteve që i shërbejnë pikërisht zhvillimit të rajonit.

Leave a Reply

Your email address will not be published. Required fields are marked *