Inspektoriati Kombëtar i Mbrojtjes së Territorit ka gjobitur dhe ka pezulluar përkohësisht aktivitetin e kompanisë “Albcrome” në Elbasan.
Në ambientet e saj janë gjetur rreth 318 ton mbetje të rrezikshme të krijuara nga procesi i pluhurit të kromit.
Autoritetet bënë të ditur se për këto mbetje nuk ekzistonte asnjë kontratë për trajtimin, transportin apo asgjësimin e tyre.
Për këtë shkelje, kompania është ndëshkuar me një gjobë prej 4 milionë lekësh dhe është vendosur pezullimi i aktivitetit deri në trajtimin e plotë të mbetjeve sipas ligjit në fuqi.
