Policia rrugore ka përforcuar masat, dhe që nga sot kanë nisur me zbatimin e gjobës edhe për personat që hedhin sende nga makina, duke mos respektuar rregullat e qarkullimit rrugor.
Hedhja e sendeve nga mjeti në lëvizje dënohet me gjobë 25.000-100.000 lekë (sipas nenit 15/1, germa f) të Kodit Rrugor.
Një rast i tillë, është konstatuar mëngjesin e kësaj të hënë në autostradën Tiranë-Durrës, në afërsi të Kasharit. Gjatë patrullimit në këtë zonë, një qytetar nga Shkodra u konstatua duke hedhur nga makina Pezho një bidon plasti
Për këtë shkelje, drejtuesi i mjetit u ndalua dhe u gjobit me 110.000 lekë. Në fletën e gjobës, thuhet se ai lëvizte në korsinë e ndryshimit të shpejtësisë, duke u bërë pengesë dhe rrezik për përdoruesit e tjerë të rrugës.
Si masë plotësuese, iu pezullua leja e drejtimit për 6 muaj, si dhe iu zbritën 8 pikë nga patenta.