Policia ka gjobitur këtë të diel shoferët që nuk kanë marrë masat për të lëvizur në akset, ku është i vështirë qarkullimi për shkak të motit të keq.
Sipas njoftimit për mediat, 87 drejtues mjetesh janë ndëshkuar sepse nuk kishin vendosur zinxhirët, kurse 49 të tjerë sepse nuk kishin vënë gomat dimërore.
Nga ana tjetër, 156 shoferë u gjobitën për parakalime të gabuara, 121 për mosvendosje të rripit të sigurimit, 89 për përdorim të celularit gjatë drejtimit të mjetit, si dhe 56 drejtues motomjetesh për mosvendosje të kaskës mbrojtëse.
