65 këmbësorë janë gjobitur me 10 mijë lekë secili dhe 76 shoferë janë ndëshkuar me heqje patente për shkak se kanë lëvizur jashtë fashave orare të lejuara nga ana e qeverisë duke përbërë rrezik për përhapjen e koronavirusit.
Ndërkohë në Tiranë është gjobitur me 700 mijë lekë të reja një qytetar i cili theu urdhërin e vetë-karantinimit pasi ishte kthyer para pak ditësh nga vendet e prekura. Policia e Shtetit në bashkëpunim me forcat ushtarake vijojnë aksionin për izolimin e të gjithë vendit ku po evitojnë lëvizjet e kota nga ana e qytetarëve duke i detyrar ata që të rrijnë në banesë. Por policia rrugore shprehet se qytetarët po abuzojnë edhe me lejet e marra nga strukturat për katëse duke i përdorur pa kriter lëvizjet.
Gjoka shton se fashat orare të vendosura nga qeveria duhet të përdoren nga qytetarët për arsye të domosdoshme dhe jo për shëtitje apo lëvizje të lira.
Më problematike paraqitet situata në tregjet e fruta-perimeve, ku ndërgjegjësimi i qytetarëve është thuajse zero.
Policia ndërkohë vijon operacionin për mbyllen e të gjitha subjekteve tregtare ku gjatë 24 orëve të fundit janë gjobitur 9 administratorë pasi kishin hapur aktivitetin e tyre jashtë fashave orare.
