Policia e Shtetit njofton se gjatë 24 orëve të fundit nga makina inteligjente janë konstatuar 540 drejtues mjetesh me shkelje të rrgullave të qarkullimit, të cilëve tashmë do t’ju shkojë gjoba në banesë.
“ Gjatë 24 orëve të fundit janë evidentuar në shkelje, nga makina inteligjente, 540 drejtues mjetesh, të cilëve do t’u shkojë masa administrative në banesë. Gjithashtu, në të gjithë vendin, gjatë kontrolleve permanente janë evidentuar dhe ndëshkuar 985 drejtues mjetesh, për shkelje të ndryshme që janë rrezik potencial për përfshirje në ngjarje rrugore”, njoftoi policia.
Mësohet se nga kontrollet e policisë janë pezulluar 94 leje drejtimi dhe janë arrestuar në flagrancë 6 drejtues mjetesh.
“Gjatë fundjavës, shërbimet e Policisë Rrugore, në bashkëpunim me Patrullat e Përgjithshme dhe forcat “Shqiponja”, do të intensifikojnë kontrollet në të gjitha akset nacionale, qendrat urbane dhe akset kryesore rurale që lidhin qendrat administrative me qytetet, me qëllim parandalimin e aksidenteve rrugore”, njoftoi policia
