Një tjetër humbje nga radhët e bluzave të bardha si pasojë e koronavirusit. Leonard Kamberi, gjinekolog në qytetin e Vlorës u nda nga jeta në moshën 47-vjeçare. Ai ishte i shtruar prej dy javësh në spital, por pavarësisht kujdesit të mjekëve, nuk e fitoi dot betejën me virusin.
Kryebashkiakua i Vlorës, Dritan Leli shprehu ngushëllimet në “Facebook”, ku tregoi se ai priste të bëhej baba për herë të parë brenda disa ditësh.
“Nard Kamberi, një tjetër mjek i talentuar dhe mik i rrallë, na u largua sot të gjithëve duke lënë vetëm bashkëshorten, Erindën, që pas pak ditësh pret të bëhet nënë për herë të parë, me femijën që prisnin me dashuri pas kaq shumë kohësh. Të prehesh në paqe Nardi! Do na mungosh shumë!”
