Berat Gjimshiti ishte vendimtar për Atalantën në ndeshjen e fundit të Europa League të enjten në mbrëmje.
Kapiteni i përfaqësues sonë shënoi golin e vetëm të fitores 1 me 0 për Bergamasket kundër austriakeve të Sturm Grac.
Goli i Gjimshitit u shënua në minutën e 50, gol që e çoi skuadrën italiane në krye të grupit me 10 pikë, 3 më shumë sesa Sporting Lisbone dhe 6 më shumë sesa Sturm Grac, që do të thotë kualifikim zyrtar për skuadrën e Gasperinit në fazën tjetër.
Fat i ndryshëm për një tjetër ekip italian, Romën e Zghoze Muruinjos e cila u mposht me shifrat 2 me 0 në Çeki nga Salvia e Pragës në grupin G. Jurecka dhe Masopust shënuan dy golat për vendasit në pjesën ë dytë. Të dyja ekipet sidoqoftë janë në krye me nga 9 pikë, 5 më shumë sesa Servet i vendit të tretë.
Në duelet e tjera të mbrëmjes së 4 të ndeshjeve ne Europa League, ranë në sy fitorja e Uest Hem 1 me 0 ndaj Olimpiacos në Londër, që e vendos skuadrën angleze në kushte te favorshme kualifikimi, ndërsa një tjetër ekip britanik Brighton i de Zerbit fitoi 2 me 0 në fushën e Ajax duke e nxjerrë thuajse jashtë lojë skuadrën holandeze.
Në grupin E, Liverpooli kryesues me 9 pikë i hapi rrugë francezëve të Tuluz të cilët fituan 3 me 2 në shtëpi dhe tani janë të dytët.
