Ministri i Infrastrukturës dhe Energjisë Gjiknuri I është përgjigjur nga salla e kuvendit akuzave që lëshoi nga Elbasani, kreu i opozitës Basha në lidhje me problemet e rrugës Tiranë-Elbasan e cila ka nisur prej vitesh por nuk dihet se kur do të përfundojë.
Gjiknuri tha se akti normativ siguron financimin e nevojshëm për përfundimin e të gjithë programit kombëtar të rrugëve që ne sapo kemi nisur.
Po dëgjoja nga Elbasani ata që janë mbledhur atje si kukudh për të bërë atë parlamentin paralel dhe po preknin disa plagë që i kanë hapur vet për rrugët. Merr guximin kryetari i opozitës dhe flet për rrugën Tiranë-Elbasan, duke na e shitur si dështimin tonë, pa harruar që një rrugë e filluar pa projekt, e filluar me gjoja 160 milionë euro e cila ka përfunduar mbi 400 milionë euro pikërisht për atë që them, s’ka pasur projekt të plotë dhe s’ka qenë menduar ashtu siç duhet, për të mos thënë keqmenaxhimi i vazhdueshëm që i është bërë asaj rruge dhe që fatmirësisht është duke u hetuar nga prokuroria. Dua t’ju them qytetarëve të Elbasanit se nuk dua të merrem me të.Ata që deklarojnë që kanë bërë rrugë, unë po them një fakt që rrugë ata vetëm filluan, bënë procedura tenderash. Rrugët kryesisht u mbaruan nga kjo qeveri në 5 vitet e fundit dhe do të vazhdojnë të përfundohen këto projekte infrastrukturore në 3 vitet në vazhdim.
Gjiknuri tha se shumë shpejt në parlament do të shkojë edhe shtesa e marrëveshjes së financimit për të përfunduar edhe këtë segment rrugor.
“Besoj brenda Shtatorit do ta kemi të miratuar në Kuvend, do të kemi fondet në dispozicion dhe ky kantier do të fillojë.Brenda vitit lidhja me tunelin do të bëhet e mundur dhe besoj brenda pak muajsh rruga do të dorëzohet e plotë me të gjithë parametrat e nevojshëm.”
